Udaltzaingoaren flota berritzen
Udaltzaingoak lau ibilgailu berri gehituko ditu bere flotan, modernizazio eta jasangarritasun estrategiari esker. Erosketa hau bi SUV hibrido entxufagarri eta bi auto ECO ingurumen-bereizgarria duten autok osatzen dute. Guztira, 171.145 euro inbertituko ditu (BEZa barne).
Tokiko Gobernu Batzordeak ibilgailuak berritzeko kontratazio-espedientea onartu du. Udalak mugikortasun eraginkorrago eta ingurumenarekiko begirunetsuagoa lortzeko konpromisoari jarraiki lanean dihardu. César Fernández de Landak segurtasuneko zinegotziak adierazi duenez, “Polizia-flotaren elektrifikazioan aurrera egiten jarraitzen dugu, eta ibilgailu berri horiekin Udaltzaingoaren gaitasun operatiboak eta segurtasunekoak hobetuko ditugu eguneroko lanean”.
Ibilgailuen ezaugarriak
Bi SUV hibrido entxufagarri “Zero emisio” etiketa dutenak izango dira, polizia-lanetarako prestatuak. Hauek 65 kilometrotik gorako autonomia elektrikoa, azken belaunaldiko ekipamendu teknologikoa eta segurtasunekoa izango dituzte. Gainera, seinaleztapen optiko-akustikoko sistema aurreratuak, LED argiztapenak eta polizia-materialaren garraio seguru eta ordenaturako espazio espezifikoak izango dituzte.
Beste bi ibilgailuak, errotulaziorik gabekoek, operatiba eta laguntza-lanetarako erabiliko dira. Hauek gasolinarekin eta PGLarekin funtzionatuko dute, eta ECO ingurumen-bereizgarria izango dute. Gidatzean laguntzeko sistema aurreratuak ere izango dituzte, hala nola errei-aldaketaren alerta eta larrialdiko balaztatzean laguntza. Ibilgailu berri hauek kontsumo eta emisio kutsatzaileak murriztu, flotaren eraginkortasun energetikoa hobetu eta polizia ibilgailuen segurtasuneko prestazioak handituko dituzte.
Azkenik, Agirrelandako polizia-etxean elektrizitatea hornitzeko postu berriak instalatzen ari dira, 100.000 euroko aurrekontua egon bait da.
