Liburuen maitasuna Zabalibururen jaialdian
Bueltan da Zabaliburu Liburu eta Irakurketa Jaialdia, aurtengoa bere 5. edizioa izango baita. Ikusgai egongo den programazioaren ardatz nagusia liburuekiko maitasuna izango da. Egitaraua apirilaren 13tik 23ra ospatuko da, hainbat jarduerarekin, eta azoka hilaren 18an egingo da, larunbatean. Era berean, Zabaliburu saria Elena Odriozola ilustratzaileari emango diote.
“Amores libros-Irakurmindu zaitez” lelopean, Zabalgana gizarte-etxea eta Zabaliburu auzoko elkartea jaialdia antolatu dute. Miren Fernández de Landa, Gobernu Irekiaren eta Gizarte Etxeen zinegotzia, adierazi duenez, jaialdi honek liburuekiko duten maitasuna eta pertsona askoren bizitzan duten garrantzia nabarmendu nahi dute. Gainera, parte-hartze aktiboa ezinbestekoa dela azpimarratu du.
Jaialdiak irakurzaletasuna bultzatzea, Zabalganeko ikastetxeetako ikasleen kultur partaidetza sustatzea eta hiriko idazleak ezagutaraztea du helburu, Sonia Díaz de Corcuera Kultura eta Hezkuntza zinegotziaren hitzetan.
