Bi beka argitaratu dira ondare dokumentala ikertzeko
Vitoria-Gasteiz, 2026ko martxoaren 20a. Arabako Foru Aldundiak ondare dokumentala ikertzeko bi ikerketa beka publikoak argitaratu ditu. Beketako helburua da Arabako Artxiboan gordetako iturri dokumentalei buruzko ikerketa proiektuak bultzatzea, horien erabilera zientifikoa eta akademikoa errazteko. Eskaerak aurkezteko epea apirilaren 17an
2022an sortu ziren bekak, Arabako Artxiboko eta Dokumentuak Kudeatzeko Zerbitzuan gordetako dokumentu iturrietarako ikerketa proiektuak sustatzeko. Bi beka emango dira, bakoitza 6.000 euro izango da eta unibertsitateko lizentziatura edo gradua duten pertsonentzat izango dira. Ikerketa proiektuak azterketa demografikoak, landa eta hiri aberastasuna, lurraldearen erakunde bilakaera, Arabako artea eta kultura, hirigintza edo eguneroko bizitza lantzeko irizpideak izango dituzte.
Eskaerak elektronikoki aurkeztu ahal izango dira, Arabako Foru Aldundiaren egoitzaren bidez, edo aurrez aurre, Erregistro Orokorrean edo administrazio araudiak ezartzen dituen lekuetan. 2026. urtean, 2022tik gaur arte egindako proiektuen memoria argitaratuko da.
Informazio gehiago: www.araba.eus/botha
