Gasteizko Udalak industriaren laguntzarako estrategiak ezartzen ditu
Gasteizko Udalak onartutako Industriari Laguntzeko 2026-2030 Planak eredu ekonomiko lehiakorragoa, jasangarriagoa eta hirian errotua sustatzeko helburuak izango ditu. Plan honek, jarduera industrialari eusteko oinarri estrukturala indartzea, Gasteizko eredu industrialaren errotzea eta bilakaera ziurtatzea, baita ETE industrialen lehiakortasuna eta jasangarritasuna bultzatzea helburu gisa ezartzen ditu.
Aurkezpen ekitaldian, Maria Nanclares Ekonomia Sustapenaren zinegotziak adierazi zuen, “plan honekin, gure industria sektorea bultzatuko duen estrategia bat garatu nahi dugu, egungo erronkak eta aukerak kontuan hartuz”. Azaldu zuenez, industria sarearen egoeraren azterketa eta diagnostikoa egin da, eta gobernantza modelo bat definitu da inplikatutako eragileak parte hartzeko erraztasunak eskaintzeko.
Horrela, Gasteizko industria sendotzeko eta berritzea ahalbidetzeko “baldintza hobeak” sortuko dira.
Gasteizko Udalak hamar ildo estrategiko ezarri ditu. Lehen helburu estrategikoaren barruan, industriak hiri kalitatea eta baterako kudeaketa hobetzeko helburuak daude, garraio kolektibo eta jasangarria sustatuz, baita gobernantza publiko-pribatua indartuz ere.
Errotzea indartzeko estrategiak talentu industriala erakartzea, prestakuntza eta atxikimendua sustatzea, tokiko balio kate industriala indartzea eta dibertsifikazioa egitea izango ditu helburu. Lehiakortasuna eta jasangarritasuna buldatzearren, “ETE industrialen digitalizaziorako laguntza indartuko da, deskarbonizazioa bizkortuko da eta berrikuntza eta finantzaketa programak ETEetara hurbilduko dira”.
